ოზურგეთის რაიონის სოფელ მაკვანეთში თანასოფლელებს შორის ურთიერთშელაპარაკება მსხვერპლით დასრულდა. გავრცელებული ინფორმაციით, დაწყებულ კამათს ფიზიკური დაპირისპირება მოჰყვა და 50 წლის კაცის სიცოცხლე ემსხვერპლა. მამაკაცს სასიკვდილო ჭრილობა სანადირო თოფით აქვს მიყენებული.

შინაგან საქმეთა სამინისტროს განცხადებით, სამართალდამცველებმა მკვლელობა გახსნეს და ბრალდებული მომხდარიდან მალევე დააკავეს. მომხდარზე გამოძიება სისხლის სამართლის კოდექსის 108-ე მუხლითაა დაწყებული, რაც განზრახ მკვლელობას გულისხმობს.