„Haberturk"-ის ცნობით, თურქეთის სამხრეთ-დასავლეთ ნაწილში, ავტობანზე ტურისტული ავტობუსის გადაბრუნების შედეგად 20 ადამიანი დაიღუპა, ხოლო 13 მძიმედ დაშავდა, ისინი საავადმყოფოში გადაიყვანეს. აღნიშნულის შესახებ მუგლას პროვინციის გუბერნატორმა, ამის ჩიჩეკმა განაცხადა.

როგორც გუბერნატორმა აღნიშნა, ავარიის მიზეზი სავარაუდოდ მძღოლის შეცდომა გახდა, რის შედეგადაც ავტობუსი გადაბრუნდა. გუბერნატორის თქმით, დაღუპულებსა და დაშავებულებს შორის ყველა თურქეთის მოქალაქეა.

სულ ავარიის დროს ავტობუსში 42 ადამიანი იმყოფებოდა.