შინაგან საქმეთა სამინისტრომ, ლაშა თორდიაზე თავდასხმის ფაქტზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს და სასჯელის სახით ითვალისწინებს თავისუფლების აღკვეთას ვადით ორ წლამდე ან ერთიდან სამ წლამდე. თუკი გამოძიებამ ჯგუფური დანაშაული დაადგინა, თავდამსხმელებს ოთხიდან ექვს წლამდე პატიმრობა ელით.

სახელმწიფო აუდიტის სამსახურის ხელმძღვანელი, ლაშა თორდია აცხადებს, რომ გუშინ, თბილისში, შარდენის ქუჩაზე მდებარე ღამის კლუბში თავს დაესხნენ. მისი თქმით, მას ყოფილი მთავარი პროკურორი ოთარ ფარცხალაძე და მისი თანმხლები რამდენიმე პირი დაესხა თავს.