თბილისში საკონსტიტუციო ცვლილებების საყოველთაო განხილვის ჩაშლის შემდეგ, „დავიცვათ ქართული მიწა" - ამ სლოგანით ფილარმონიასთან აქცია იმართება.

აქციის მონაწილეები ითხოვენ, რომ კონსტიტუციაში მიწის გასხვისებასთან დაკავშირებით ცვლილება შევიდეს. ისინი ითხოვენ, რომ უცხო ქვეყნის მოქალაქეებზე მიწები არ გასხვისდეს.როგორც აქციაზე განაცხადეს, დაშვებული უნდა იყოს მიწების მხოლოდ იჯარით გასხვისება.

დღეს ფილარმონიაში საკონსტიტუციო ცვლილებების სახალხო განხილვების პირველი ეტაპი უნდა დასრულებულიყო. თუმცა, დარბაზში დამსწრეთა ნაწილმა ხმაურიანი შეძახილებით, პარლამენტის თავმჯდომარეს საუბრის დაწყების საშუალება არ მისცა. თბილისში საკონსტიტუციო ცვლილებების პროექტის განხილვა ჩაიშალა.