გორის სოფელ ნადარბაზევში ძმებმა მიხეილ და ლევან ქერდიყოშვილებმა ძველი „ჟიგულის" მარკის ავტომანქანა იყიდეს, რადგან მართვის სისტემა წყალსაქაჩად გამოეყენებინათ.

ახალი „სარწყავი სისტემა" ნადარბაზევის ტბის მიმდებარე ტერიტორიაზეა დამონტაჟებული.

მანქანის მოტორის მუშაობის წყალობით აქაჩული წყალი დაახლოებით 300 მეტრ მანძილზე, მიწის ნაკვეთამდე მიჰყავთ. ამ მიწის ნაკვეთში კი წვეთოვანი სისტემა მუშაობს.

ქერდიყოშვილებმა „წყალსაქაჩი" ერთი თვის წინ გამოსცადეს და ნაკვეთი მორწყეს. მათი თქმით, იდეამ გაამართლა.