შინაგან საქმეთა სამინისტრომ პარლამენტში ევროკავშირის ქვეყნებში ქართველი პოლიციელების „ჩანერგვის" შესახებ საკანონმდებლო წინადადება წარადგინა. ინიციატივა საკანონმდებლო ორგანოში შს მინიტრის მოადგილემ, შალვა ხუციშვილმა წარადგინა.

ინიციატივის მიხედვით, საქართველოდან შსს-ს თანამშრომლები ევროკავშირის ქვეყნებში ქართული დანაშაულებრივი ჯგუფების წინააღმდეგ იმუშავებენ. ევროპულ პოლიციასთან თანამშრომლობის შედეგად, ქართული მხარე შეძლებს კრიმინალური დაჯგუფებების გამოვლენას და დანაშაულის პრევენციას.

საქართველოსა და ევროპის პოლიციის სამსახურს შორის ოპერატიული თანამშრომლობის საკითხს ევროინტეგრაციისა და საგარეო საქმეთა კომიტეტის გაერთიანებული სხდომა განიხილავს.შინაგან საქმეთა სამინისტროს ინიციატივას საპარლამენტო ოპოზიციისა და მმართველი გუნდის წევრები იზიარებენ.