აუდიტის სამსახურის ხელმძღვანელის, ლაშა თორდიას დაკითხვა განახლდა. პროკურატურის წარმომადგენლები მასთან სახლში მივიდნენ. პროცესი გუშინ, ლაშა თორდიას ჯანმრთელობის მდგომარეობის გამო,კიდევ ერთხელ გადაიდო.

სავარაუდოდ,მთავარი აუდიტორი გამომძიებლებს იმ დოკუმენტებს წარუდგენს, რის გამოც მისი მტკიცებით კონფლიქტი მოხდა. საუბარია თბილისის მერიის მიერ ყოფილი მთავარი პროკურორისთვის მიწების არაკანონიერად გადაცემაზე.

ამ დრომდე უცნობია, როდის დაკითხავენ ყოფილ მთავარ პროკურორს.ლაშა თორდიასა და ოთარ ფარცხალაძეს შორის რამდენიმე დღის წინ დაპირისპირება მოხდა, რის შემდეგაც სახელმწიფო აუდიტის სამსახურის ხელმძღვანელი სხვადასხვა დაზიანებით საავადმყოფოში გადაიყვანეს.ლაშა თორდია საავადმყოფოდან გუშინ გაწერეს.