პარლამენტის ბიუროს სხდომაზე თამბაქოს მოწევის აკრძალვასთან დაკავშირებით კანონპროექტი წარადგინეს.საკანონმდებლო ცვლილებების თანახმად, სიგარის ბარის მოსაწყობად სპეციალური ნებართვა იქნება საჭირო, მისი აღების საფასური კი 15 ათასი ლარი იქნება.

საკანონმდებლო ცვლილებების ინიციატორები საპარლამენტო უმრავლესობის წევრები, აკაკი ზოიძე და ლევან კობერიძე არიან.

კანონპროექტის მიხედვით, თამბაქოს მოწევა დასაშვებია ფიზიკური პირის საცხოვრებელ ადგილას, პენიტენციარულ დაწესებულებაში, ლიცენზირებულ სიგარაბარში, სამორინეში, აეროპორტის სატრანზიტო ზონაში და წინასწარი დაკავების იზოლატორში.