სურსათის ეროვნული სააგენტო გასული კვირის სახელმწიფო კონტროლის შედეგებს აქვეყნებს,რომლის მიხედვითაც გამოვლენილი შეუსაბამობებისათვის 34 ბიზნესოპერატორი დააჯარიმეს. კრიტიკული შეუსაბამობების გამო კი საწარმოო პროცესი და საქმიანობა 4 ბიზნესოპერატორს შეუჩერდა.

სააგენტომ 8-14 მაისის ჩათვლით, თბილისსა და საქართველოს რეგიონებში 109 ინსპექტირება ჩაატარა. ზედამხედველობა განხორციელდა 9 ბიზნესოპერატორთან, დოკუმენტურად შემოწმდა 216, ლაბორატორიული კვლევისთვის აღებულია სურსათის 40 ნიმუში.