სამების საკათედრო ტაძარში მრევლს ჟურნალი „ბედნიერი ოჯახი"დაურიგდა, რომელსაც პატრიარქის წინასიტყვაობა აქვს წამძღვარებული. ამის შესახებ საინფორმაციო სააგენტო „ინტერპრესნიუსი" წერს.
„იცოდეთ, მიუხედავად დიდი სიყვარულისა, ბოლომდე არ უნდა გაუშინაურდეთ ერთმანეთს, ეს უნდა ემჩნეოდეს თქვენს საუბარს, ჩაცმას, გარეგნობას, ქცევას..." - წერს საქართველოს პატრიარქი.
„ძველ დროს, საერთოდაც, ცოლ-ქმარს ცალ-ცალკე ოთახებში ეძინათ და მათი შეხვედრა იყო დიდი სიხარული, თუმცა ხანგრძლივი განშორებაც არ შეიძლება და ყველაფერში ოქროს შუალედი უნდა დაიცვათ" , - ნათქვამია პატრიარქის წინასიტყვაობაში.
დღეს ოჯახის სიწმინდისა და სიმტკიცის დღე აღინიშნება, რომელიც საპატრიარქომ 2014 წელს დააწესა.