ზურაბ დათუნაშვილს ცივი იარაღით რამდენიმე ჭრილობა აქვს მიყენებული და ახლა „არამიანცის" საავადმყოფოში მკურნალობს. ამის შესახებ ტელეკომპანია „იმედი" იუწყება.

მოჭიდავე, რომელიც რამდენიმე თვეში მსოფლიო ჩემპიონატზე უნდა წასულიყო, სავარაუდოდ ჯანმრთელობის მდგომარეობის გამო ასპარეზობაში მონაწილეობას ვეღარ მიიღებს.

ზურაბ დათუნაშვილმა ერთი კვირის წინ, სერბეთის ქალაქ ნოვი სადში ევროპის ჩემპიონატზე ოქროს მედალი მოიპოვა. ფინალში ქართველი ფალავანი ბელარუს რაძიკ კულიეუს შეხვდა, 4-2 სძლია და ევროპის ჩემპიონატზე მეორედ ოქროს მედალი მოიპოვა.