გარემოს დაცვის ინსპექცია სოციალური ქსელის ერთ-ერთ ჯგუფში მელიის ლეკვებისადმი სასტიკი მოპყრობის ამსახველ ვიდეომასალას ეხმაურება. დეპარტამენტის თანამშრომლებმა ვიდეოზე ასახული პირის იდენტიფიცირება შეძლეს. წალკის მუნიციპალიტეტის სოფელ კუშში მცხოვრებ მოქალაქეს ახსნა- განმარტება ჩამოართვეს.

მისი განმარტებით, მელია შინაურ ფრინველს უნადგურებდა, რის საფუძველზეც მოქალაქე დაურეგისტრირებელი სანადირო თოფით დაედევნა ცხოველს. მელიის ლეკვები მისმა მონადირე ძაღლმა ამოიყვანა სოროდან, ამიტომაც აღენიშნებათ ლეკვებს დაზიანებები სოციალურ ქსელში გავრცელებულ ვიდეომასალაში.

მოქალაქეს სანადირო იარაღი ჩამოართვეს და დალუქეს.