ქართული ავტოგასამართი სადგურები მსოფლიოს 10 ყველაზე ლამაზი სადგურების სიაში მოხვდა.რეიტინგი ბრიტანულმა გამოცემამ „DesignCurial"-მა შეადგინა.

რეიტინგში მესამე ადგილს ბათუმის „მაკდონალდსის" შენობის გვერდზე მდებარე ბენზინგასამართი სადგური იკავებს, რომლის არქიტექტორიც გიორგი ხმალაძეა. სადგური 2013 წელს აშენდა.

რეიტინგში მეცხრე ადგილს კი კომპანია „ვისოლის" ბენზინგასამართი სადგური იკავებს. სადგურის არქიტექტურა გერმანულ კომპანია „Mayer"-ს ეკუთვნის. შეგახსენებთ, რომ ვისოლის ბენზინგასამართი სადგური გასულ წელსაც მოხვდა მსოფლიოს ყველაზე ლამაზ სადგურებს შორის. მაშინ გამოცემამ „Telegraph"-ის მსოფლიოს საუკეთესო დიზაინის მქონე ავტოგასამართი სადგურების სამეულში შეიყვანა.