ძლიერი წვიმის გამო მდინარე რიონი ადიდდა და კალაპოტიდან გადმოვიდა. უამინდობის გამო წყალტუბოს მუნიციპალიტეტის სოფელი ჟონეთი დაიტბორა . ადგილზე მობილიზებულია შესაბამისი სამსახურები. ჩაკეტილია ქუთაისი-ალპანა-მამისონის საავტომობილო გზის მონაკვეთი.

ძლიერმა სეტყვამ გუშინ გორის მუნიციპალიტეტის სოფლები, ვარიანი და არაშენდაც დააზარალა. 20-წუთიან სეტყვას ძლიერი წვიმა ახლდა. ადგილობრივების ინფორმაციით, განადგურდა მოსავლის დიდი ნაწილი, ბოსტნეული და ერთწლიანი კულტურები. ისინი მთავრობისგან დახმარებას ელიან.