დღეს საქართველოს 1 500-ზე მეტ სკოლაში გამოსაშვები გამოცდები ერთდროულად, 09:00-ზე, ქართული ენისა და ლიტერატურის გამოცდით დაიწყო.

შეფასებისა და გამოცდების ეროვნული ცენტრის წარმომადგენელთა განცხადებით, გამოცდებისათვის 48 000-ზე მეტი მოსწავლეა დარეგისტრირებული. მე-12 კლასის მოსწავლეები გამოცდას 4 საგანში (ქართული ენა და ლიტერატურია, უცხო ენა, ისტორია, მათემატიკა) ჩააბარებენ.

გამოსაშვებ გამოცდებზე მინიმალური გამსვლელი ქულაა 5.51. შეფასების ათვლა 5 ქულიდან იწყება და ზღვრის გადასალახად მოსწავლემ დაახლოებით, 15 მარტივ კითხვას უნდა უპასუხოს. მოსწავლეებმა, რომლებმაც მე-11 კლასის რომელიმე გამოცდაში ზღვარი ვერ გადალახეს ან ვერ შეძლეს გამოცდაზე გამოცხადება, საშუალება აქვთ ის საგანი მიმდინარე გამოსაშვებ გამოცდებზე ჩააბარონ.