(რეზონანსი) სახელმწიფო უსაფრთხოების სამსახურის ინფორმაციით, რუსეთის საოკუპაციო ძალების წარმომადგენლებმა, გალის რაიონში, ე.წ. საზღვრის უკანონო კვეთის ბრალდებით, გერმანიის მოქალაქე დააკავეს.

უწყების ცნობით, გააქტიურებულია „ცხელი ხაზი" და ინფორმაცია უკვე მიეწოდა ევროკავშირის სადამკვირვებლო მისიას.

სახელმწიფო უსაფრთხოების სამსახური, სხვა უწყებებთან და საერთაშორისო ორგანიზაციებთან ერთად, აქტიურად მუშაობს გერმანიის მოქალაქის გასათავისუფლებლად.