(რეზონანსი) შიდა ქართლის საინფორმაციო ცენტრის ცნობით, კომპანია „არქიკულტურას" კუთვნილი ტრაქტორი ადგილობრივებმა „მძევლად" დაიტოვეს.

სასმელი წყლის პროექტი დაუმთავრებელი დარჩა. მისი ჯამური ღირებულება 887 000 ლარია. კომპანიის წარმომადგენლებმა სოფელი ისე დატოვეს, რომ დასაქმებული ხალხის ხელფასიც არ გადაიხადეს.

თითო ადამიანს დაახლოებით 1000-1200 ლარი აქვს ასაღები. სულ 15-მდე მცხოვრები იყო დასაქმებული.

სასმელი წყლის პროექტი სოფელ ქვახვრელში 2016 წლის 24 ივნისს დაიწყო და უნდა დამთავრებულიყო 2016 წლის 24 დეკემბერს.