(რეზონანსი) თურქული მედიის ინფორმაციით, ქართველი ემიგრანტის მკვლელობა თურქეთის მოქალაქემ აღიარა, - იგი უკვე დააკავეს.

სამართალდამცველებმა 34 წლის ელენე გოკაძის ცხედარი კორპუსის სადარბაზოში იპოვეს. ახალგაზრდა ქალის სხეული მთლიანად დასახიჩრებულია და ყელი ბასრი საგნით აქვს გამოჭრილი.

საქართველოს საგარეო საქმეთა სამინისტროს ცნობით, ქართველი ემიგრანტის მკვლელობის საქმეზე გამოძიება მიმდინარეობს, ცხედარს კი ექსპერტიზა უტარდება.

მათივე ინფორმაციით, ტრაპზონში, საქართველოს საკონსულოს საქართველოს მოქალაქის მკვლელობის შესახებ ინფორმაცია თურქეთის სამართალდამცავებმა ოფიციალურად მიაწოდეს. საკონსულოს წარმომადგენლებს მუდმივი კონტაქტი აქვთ როგორც გამოძიებასთან, ასევე გარდაცვლილის ოჯახის წევრებთან. მზადდება შესაბამისი დოკუმენტაცია საქართველოს მოქალაქის ცხედრის სამშობლოში გადმოსვენებისთვის.