(რეზონანსი) გურჯაანის მუნიციპალიტეტის სოფელ ბაკურციხეში ავტოავარიას ერთი ადამიანი ემსხვერპლა, ერთი კი მძიმედ დაშავდა. ექიმების განცხადებით, დაშავებულის ჯანმრთელობის მდგომარეობა ამ ეტაპზე სტაბილურად მძიმეა.

შინაგან საქმეთა სამინისტრომ მომხდარზე გამოძიება სსკ-ის 276-ე მუხლით დაიწყო. აღნიშნული მუხლი გულისხმობს საგზაო მოძრაობის უსაფრთხოების წესების დარღვევას, რომელმაც ადამიანის სიცოცხლის მოსპობა გამოიწვია.