(რეზონანსი)არიანა გრანდემ ტერაქტის დროს დაღუპულთა ოჯახებს დაკრძალვის ხარჯების დაფარვა შესთავაზა. ინფორმაციას „კოსმოპოლიტენი" ავრცელებს. ამის შესახებ მომღერალს კომენტარი ჯერჯერობით არ გაუკეთებია. არიანა გრანდე მომხდარს სოციალურ ქსელში გამოეხმაურა.

„სიტყვებით ვერ გადმოვცემ, მთელი გულით ძალიან, ძალიან ვწუხვარ" , - განაცხადა პოპმომღერალმა.

მანჩესტერში ტერაქტი 22 მაისს, ადგილობრივი დროით 22:30 საათზე, არიანა გრანდეს კონცერტზე მოხდა. აფეთქებას 22 ადამიანი ემსხვერპლა და 59 მძიმედ დაშავდა. დაღუპულთა შორის 12 ბავშვია.