(რეზონანსი) 2017 წლის 20 წლამდე ასაკის მორაგბეთა მსოფლიო ჩემპიონატის მონაწილე ცხრა ნაკრები უკვე საქართველოშია. ავსტრალიის, ახალი ზელანდიის, უელსის, ინგლისის, სამხრეთ აფრიკის, იტალიის , შოტლანდიის, სამოას, ირლანდიის ნაკრები გუნდები ჩემპიონატამდე რამდენიმე დღით ადრე ჩამოვიდნენ და მზადების ბოლო დღეებს საქართველოში გაივლიან.

გუნდები თბილისსა და ქუთაისში გადანაწილდნენ. დღეს 22:45 წუთზე საფრანგეთის ნაკრები ჩამოვა, ხოლო 28 მაისს გამთენიისას 03:30 წუთზე საქართველოს არგენტინის ნაკრები ეწვევა.

მსოფლიო რაგბის 20 წლამდელთა ჩემპიონატი 31 მაისიდან 18 ივლისამდე თბილისსა და ქუთაისში ჩატარდება. ჩემპიონობისთვის მსოფლიოს 12 საუკეთესო ახალგაზრდული გუნდი იბრძოლებს.