(რეზონანსი) ეგვიპტეში კოპტელ ქრისტიანებზე 26 მაისს მომხდარ თავდასხმაზე პასუხისმგებლობა „ისლამურმა სახელმწიფომ" აიღო. ამის შესახებ სააგენტო „Reuters"-ი იუწყება.

„ხალიფატის მებრძოლებმა საკონტროლო-გამშვებ პუნქტთან ალყა შემოარტყა რამდენიმე ათეულ ქრისტიანს, რომლებიც ქალაქ მინიადან დასავლეთით წმინდა სამუელის მონასტერში მიდიოდნენ" , - ნათქვამია ტერორისტული ორგანიზაციის მიერ გავრცელებულ განცხადებაში.

ეგვიპტეში, ელ-მინიას პროვინციაში, კოპტი ქრისტიანების ავტობუსისთვის გახსნილი ცეცხლის შედეგად, 26 ადამიანი დაიღუპა და 30 მძიმედ დაშავდა. ტრაგიკული ინციდენტი დედაქალაქ კაიროდან 250 კილომეტრში მოხდა.