(რეზონანსი) გარემოსა და ბუნებრივი რესურსების დაცვის სამინისტროს ინფორმაციით, ხელვაჩაურის მუნიციპალიტეტის სოფელ ზედა ახალშენში ახალშობილი შველი იპოვეს.

„აჭარის რეგიონული სამმართველოს თანამშრომლები, ცხელ ხაზზე შემოსული შეტყობინების საფუძველზე, მითითებულ ადგილზე დაუყოვნებლივ გავიდნენ და დაახლოებით 4-5 დღის შველი ნახეს. შველს არ აღენიშნებოდა არავითარი დაზიანება. გარემოსდაცვითი ზედამხედველობის დეპარტამენტის თანამშრომლებმა ახალშობილი შველი ბათუმიდან თბილისში ჩამოიყვანეს და ზოოპარკს მიაბარეს", - აღნიშნულია უწყების განცხადებაში.