(რეზონანსი) „France press"-ის ინფორმაციით, შრი-ლანკაში ხანგრძლივი წვიმებით გამოწვეული წყალდიდობისა და მეწყერების გამო დაღუპულ ადამიანთა რაოდენობამ 146-ს მიაღწია.

სააგენტოს ცნობით, ამ დრომდე დაკარგგულად ითვლება 100-ზე მეტი ადამიანი. სტიქიური უბედურეების გამო 500 ათასმა ადამიანმა დატოვა საცხოვრებელი სახლები.

მოსახლეობის დიდი ნაწილი ამ დრომდე ბლოკირებულია სოფლებში, სადაც მისასვლელი გზები მეწყერებმა ჩახერგა.

ქვეყანაში სამაშველო და სამძებრო სამუშაოები ინტენსიურად მიმდინარეობს, რომელშიც უსაფრთხოების სამსახურები, შეიარაღებული ძალები და მოხალისეები არიან ჩართული.