(რეზონანსი) ადგილობრივი მედიის ინფორმაციით, ინდოეთის შტატ ბიჰარში, ელვას 18 ადამიანი ემსხვერპლა.

შტატის საგანგებო სიტუაციების დეპარტამენტის უფროსის განცხადებით, ელვის შემთხვევები შტატის 8 რაიონში დაფიქსირდა, თუმცა ყველაზე ძლიერი და საშიში იგი ქვეყნის აღმოსავლეთ ნაწილში იყო.

აღნიშნულ რაიონებში ქარის სიჩქარე საათში 50-70 კილომეტრს აღწევდა, რამაც შენობების ნგრევა და მსხვერპლი გამოიწვია. უამინდობის გამო სულ 23 ადამიანი დაიღუპა.