(რეზონანსი) კვლევითმა ორგანიზაციამ, „KPMG"-მა ევროპის ყველაზე ძვირადღირებული საფეხბურთო კლუბი დაასახელა. ეს ტიტული „მანჩესტერ იუნაიტედს" ერგო. ინგლისის საფეხბურთო კლუბის ღირებულება 3 მილიარდ ევროზე მეტია.

კვლევის მიხედვით, მეორე ადგილზე მადრიდის „რეალი", ხოლო მესამე ადგილზე კატალონიური „ბარსელონა" დგას.

მადრიდის „რეალის" ღირებულება 2.97 მილიარდი ევროა, „ბარსელონასი" კი 2.76 მილიარდი ევრო.

„KPMG"-მა ჯამში ევროპის 32 საფეხბურთო გუნდის სია შეადგინა და რეიტინგი ამ კლუბების ყოველწლიური შემოსავლების, პოპულარობის, სპორტული შედეგების, სტადიონების ფლობისა და პირდაპირი ეთერით ტრანსლაციის ღირებულებების მიხედვით შეადგინა. ეს მონაცემები 2014-2016 წლების პერიოდს მოიცავს.