(რეზონანსი) შვეიცარიის სასამართლომ, ქვეყნის ისტორიაში პირველად, მოქალაქე „ფეისბუქის" ე.წ ლაიქის, იგივე მოწონების გამო დააჯარიმა. ამის შესახებ ინფორმაციას „ტელეგრაფი" ავრცელებს.

45 წლის ციურიხელმა ბრალდებულმა, რომლის ვინაობაც უცნობია, „მოიწონა" აქტივისტების კომენტარები, რომლებიც ცხოველთა უფლებადამცველს, ერვინ კესლერს ანტისემიტიზმსა და რასიზმში სდებდნენ ბრალს.

კომენტარების საპასუხოდ, კესლერმა სასამართლოში არამხოლოდ კომენტარების ავტორებს, არამედ მათაც უჩივლა, ვინც ეს კომენტარები „დაალაიქა". სასამართლომ მისი მოთხოვნა დააკმაყოფილა და „დამლაიქებელი" 4 ათასი შვეიცარული ფრანკით დააჯარიმა.