ყველაზე მომგებიან ბიზნესებს საქართველოს ბიუჯეტში ყველაზე ნაკლები თანხა შეაქვს. ბანკებისა და აზარტული თამაშებიდან შენატანი საბიუჯეტო შემოსავლების მხოლოდ თითო-თითო პროცენტია. ამ დროს აზარტული თამაშების სექტორის შემოსავალმა შარშან 4,235 მლრდ ლარი შეადგინა, მოგებამ - 363 მლნ ლარი, ბიუჯეტმა კი მხოლოდ 109 მლნ ლარი მიიღო. ზუსტად იგივე ვითარებაა ბანკების მხრივაც. მიუხედავად იმისა, რომ ბანკებმა 2016 წელს 679 მლნ ლარის წმინდა მოგება მიითვალეს, ბიუჯეტში მხოლოდ 79 მლნ ლარი გადაიხადეს.