(რეზონანსი) ბრიტანეთის პოლიციამ მანჩესტერის ტერაქტში ეჭვმიტანილი 24 წლის ახალგაზრდა დააკავა. ის ტერაქტის მოწყობის ბრალდებით დაკავებული მე-17 პიროვნებაა. ამის შესახებ ინფორმაციას „ესოშიეიდ პრესი" ავრცელებს.

გუშინ მანჩესტერის სამართალდამცველებმა ის მანქანა აღმოაჩინეს, რომელიც მათი განცხადებით, თვითმკვლელ ტერორისტს, სალმან აბედს ეკუთვნოდა.

„ჩვენ აღმოვაჩინეთ მანქანა, რომელიც შესაძლოა მნიშვნელოვანი ნაბიჯი იყოს გამოძიებისთვის", - განაცხადა ქალაქის პოლიციის უფროსმა.

მანჩესტერში ტერაქტი 22 მაისს, ადგილობრივი დროით 22:30 საათზე, არიანა გრანდეს კონცერტზე მოხდა. აფეთქებას 22 ადამიანი ემსხვერპლა და 59 მძიმედ დაშავდა. დაღუპულთა შორის 12 ბავშვია.