(რეზონანსი) ლონდონის ტერაქტის შემდეგ ნიუ-იორკში უსაფრთხოების ზომები გააძლიერეს. პოლიციის დამატებითი დანაყოფების მობილიზების განკარგულება მერმა გასცა. ცენტრალურ ქუჩებში და სკვერებში ანტიტერორისტული ჯგუფები და ცხენოსანი პოლიცია პატრულირებენ.

სამართალდამცავი უწყებები მოქალაქეებს და ტურისტებს ნებისმიერ საეჭვო ვითარებაზე ინფორმაციის მიწოდებას სთხოვენ.

ლონდონში ტერაქტი 3 ივნისს ადგილობრივი დროით 22:00 საათზე მოხდა. სატვირთო ავტომობილი ხიდზე ფეხით მოსიარულეებს დაეჯახა. ბოლო ინფორმაციით, დაიღუპა 7 და დაშავდა 50-მე ადამიანი.