(რეზონანსი) ენერგეტიკის მინისტრი, ვიცეპრემიერი და ეროვნული ნაკრების ყოფილი კაპიტანი კახა კალაძე ეროვნული ნაკრების ვარჯიშს დაესწრო. მან ფეხბურთელები გაამხნევა და მათთან ერთად ივარჯიშა.

საქართველოს ეროვნული საფეხბურთო ნაკრები ამხანაგური და ოფიციალური მატჩებისთვის ემზადება. 20:00 საათზე მიხეილ მესხის სახელობის სტადიონზე ჩვენები სენტ კიტსისა და ნევისის ეროვნულ გუნდს უმასპინძლებს.

11 ივნისს, მსოფლიო ჩემპიონატის საკვალიფიკაციო ეტაპის მატჩს კი მოლდოვასთან, კიშინიოვში ჩაატარებენ. მატჩი თბილისის დროით 20:00 საათზე დაიწყება.