(რეზონანსი) „Rudaw"-ის ცნობით, თურქეთის ხელისუფლებამ 130 პირს მოქალაქეობა ჩამოართვა, მათ შორისაა ქურთი პოლიტიკოსები და ისლამის მქადაგებელი, მოძრაობა "ჰიზმეტის" ხელმძღვანელი ფეთჰულაჰ გიულენი, რომელსაც თურქეთში ტერორისტად მიიჩნევენ.

აპრილის დასასრულს, თურქეთის ხელისუფლებამ 9 000-ზე მეტი პოლიციელი ფეთჰულა გიულენის ორგანიზაციის საქმიანობის გამოძიების ფარგლებში სამსახურიდან გაათავისუფლა. მანამდე ცნობილი გახდა, რომ თურქეთის პოლიციამ გიულენთან კავშირის ბრალდებით ქვეყნის 81 პროვინციაში 803 ადამიანი დააკავა. სპეცოპერაციაში 8 000-ზე მეტი პოლიციელი მონაწილეობდა.

თურქეთის ხელისუფლების მოსაზრებით, 2016 წლის ზაფხულში სახელმწიფო გადატრიალების მცდელობის უკან ფეთჰულა გიულენი დგას, რომელიც ამჟამად ამერიკაში ცხოვრობს.