საკონსტიტუციო ცვლილების განხილვა პარლამენტში უკვე დაიწყო. კანონპროექტის პირველი მოსმენით მიღება მოხდება 19 ივნისის კვირაში, ვენეციის კომისიის დასკვნის შემდეგ, მანამდე კი პარლამენტის თავმჯდომარე კონსტიტუციაში ახალ ცვლილებებს აანონსებს: კონსტიტუციით მოხდება მიწის უცხო ქვეყნის მოქალაქეებზე გასხვისების დარეგულირება, შესაძლოა, გადასახადების მომატებისთვის რეფერენდუმის საჭიროებაც გაუქმდეს და ე.წ. გადაუნაწილებელი მანდატებისთვის ზედა ზღვარიც დაწესდეს.