(რეზონანსი) მოქალაქე, რომელსაც მართვის მოწმობა არ ჰქონდა ჯერ საპატრულო პოლიციის 2 ავტომობილს, შემდეგ კი პატრულის თანამშრომელს დაეჯახა, პოლიციელი საავადმყოფოში გადაიყვანეს, მისი ჯანმრთელობის მდგომარეობა სტაბილურია.

შინაგან საქმეთა სამინისტროს ცნობით, გამოძიება საქართველოს სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს და ისჯება ჯარიმით, ან თავისუფლების აღკვეთით 3 წლამდე ვადით.