(რეზონანსი) საზღვაო სეზონის მოახლოებასთან დაკავშირებით ლაბორატორიული კვლევის ცენტრმა ზღვის ხარისხობრივი მაჩვენებლის მონიტორინგი დაიწყო. ფოთში ზღვის წყლის სინჯები უკვე აიღეს.

ცენტრის დირექტორის, გია რუხაძის ინფორმაციით სანაპიროზე ზღვის წყლის სინჯი ოთხი სხვადასხვა ადგილიდან აიღეს. მათ ქიმიური და მიკრობიოლოგიური გამოკვლევები ჩაუტარდება და შედეგები ორ კვირაში გახდება ცნობილი.

ზღვის წყლის ხარისხის შემოწმება პირველ ნოემბრამდე გაგრძელდება.