(რეზონანსი) გარემოს დაცვის ინსპექციამ ხე-ტყის უკანონო მოპოვებისა და ტრანსპორტირების 4 ფაქტი გამოავლინა. ავტომანქანები დალუქეს და შესაბამისი საჯარიმო აქტები შეადგინეს.

ადიგენში, სოფელ ჭეჭლასა და ბორჯომის მუნიციპალიტეტის სოფელ ტაძრისიში, წიწვოვანი ჯიშის ხეები ავტომანქანით უკანონოდ გადაჰქონდათ. ცხრაწყაროს უღელტეხილზე კი ხე-ტყის უკანონო ტრანსპორტირებისას, მძღოლს დაჩეხილ-დაპობილი საშეშე მერქანი გადაჰქონდა.

გარემოს დაცვის ინსპექციამ შიდა ქართლში, გორის სოფელ რიეთში, მოქალაქე 0,7 კუბური მეტრი რცხილასა და 0,6 კუბური მეტრი წიფლის ჯიშის საშეშე მერქნის ტრანსპორტირებას გააჩერა.