(რეზონანსი) რუსთავში უბედური შემთხვევა მოხდა. თვითმხილველების თქმით, ე.წ. ახალი ხიდის მიმდებარედ, ტბაში 9 წლის ბიჭი დაიხრჩო. შემთხვევა დაახლოებით 17:30 საათზე მოხდა. ამის შესახებ ინფორმაციას „inforustavi" ავრცელებს.

როგორც დაღუპულის ძმა ყვება, მეგობრები ტბაში საცურაოდ ჩავიდნენ, მისი ძმა კი ღრმა წყალში შევიდა. ბიჭის დასახმარებლად, ტბაში ერთ-ერთი თვითმხილველი გადახტა, თუმცა უშედეგოდ.

ადგილზე მობილიზებული იყო სასწრაფო, სამაშველო და საპატრულო ეკიპაჟი. ამ დროისთვის ტბაში ცხედრის ძებნის პროცესი მიმდინარეობს.