(რეზონანსი) თბილისის რამდენიმე უბანში, გლდანში, მუხიანსა და დიდ დიღომში ძლიერი სეტყვა იყო. თვითმხილველების თქმით, სეტყვა რამდენიმე წუთის განმავლობაში გაგრძელდა და ის საკმაოდ ძლიერი იყო.

გლდანის ერთ-ერთი მცხოვრების ინფორმაციით, კორპუსში წყალი ჩავიდა.მოსახლეობის თქმით, დაზიანებულია ავტომანქანები.

ძლიერი სეტყვა გუშინ დმანისის რაიონშიც იყო. ის დაახლოებით ნახევარ საათს გრძელდებოდა. ადგილობრივის განცხადებით, სტიქიამ სასოფლო სამეურნეო მიწები და ხეხილის ბაღები დააზიანა, რის შედეგადაც არაერთი ოჯახი დაზარალდა.