(რეზონანსი) ზესტაფონიდან, თბილისში მიმავალი სამარშუტო მიკროავტობუსის მძღოლი სცემეს. ცემის მიზეზი მის მიერ ზესტაფონში მიროავტობუსის გაჩერება და თბილისის მიმართულებით მიმავალი მგზავრის აყვანა გახდა.

„საშინელ ფაქტს შევესწარი ზესტაფონში. მარშუტკის მძღოლი სცემეს იმის გამო, რატომ გააჩერე ჩვენს ტერიტორიაზე მანქანა და მგზავრი რატომ აიყვანეო. გავგიჟდი, ასეთი რამ პირველად ვნახე, დაასისხლინეს მძღოლი. რა დღეში არის საზოგადოება, ადამიანთა უფლებები საერთოდ არ არის დაცული. ქართველებმა საერთოდ დაკარგა ერთმანეთის მიმართ პატივისცემა," - ამბობს ფაქტის თვითმხილველი ირინა გურული.