(რეზონანსი) სომალის დედაქალაქში ისლამური დაჯგუფება „ალ შაბაბი" რამდენიმე რესტორანს თავს დაესხა. შემთხვევის შედეგად, სულ მცირე, 18 ადამიანი დაიღუპა. ამის შესახებ ინფორმაციას „Financial Times"-ი ვრცელებს.

მოგადიშოში ინციდენტი გვიან ღამით დაიწყო, როდესაც ტურისტებით ხალხმრავალ რესტორნებთან ახლოს, ტერორისტებმა ჯერ მანქანა ააფეთქეს და შემდეგ 10-მდე შეიარაღებულმა სამხედრო ფორმაში გამოწყობილმა მამაკაცმა „პიცის სახლში" ცეცხლი გახსნა, რათა ხალხისთვის შენობიდან გაქცევის საშუალება არ მიეცა.

სამართალდამცველებმა კვების 10 პუნქტი გაათავისუფლეს და 2 თავდამსხმელი მოკლეს.

დაჯგუფება „ალ შაბაბი" ტერორისტულ ორგანიზაცია „ალ ქაიდასთან" არის დაკავშირებული, მან ინციდენტზე პასუხისმგებლობა უკვე აიღო.