(რეზონანსი) სოფელ ქვიშხეთში, სტიქიისგან დაზარალებული მოსახლეობა დახმარებას ითხოვს. ადგილობრივების თქმით, უხვი ნალექის შედეგად, მთის ნიაღვრებმა შიდა გზები ჩამორეცხეს, რამაც ტრანსპორტის გადაადგილება თითქმის შეუძლებელი გახადა.

ადგილობრივებს რამდენიმე კილომეტრიანი მანძილის გავლა ფეხით უწევთ, ტვირტის გადატანას კი ვერ ახერხებენ. ხაშურის გამგებლის ინფორმაციით, სტიქიის შემდეგ, დაზიანებული გზების პრობლემა მუნიციპალიტეტის რამდენიმე სოფელში შეიქმნა, თუმცა სარეაბილიტაციო სამუშაოები უკვე დაწყებულია და ეტაპობრივად ყველგან მოხდება გზის შეკეთება.