(რეზონანსი) ადიდებულმა მდინარე ხობმა ზუგდიდის რაიონის სოფელ ბიაში საფეხმავლო ხიდი წაიღო. ადგილობრივების ცნობით, ხიდი ერთადერთია, რომლითაც სასოფლო-სამეურნეო ნაკვეთებსა და საძოვრებზე გადადიოდნენ.

ბიას ხიდი რამდენიმე დღის წინ დაზიანდა. მაშინ ადგილობრივი მთავრობა ვარაუდობდა, რომ მისი აღდგენა შესაძლებელი იქნებოდა, თუმცა წუხანდელმა სტიქიამ ის მთლიანად წაიღო. ადგილზე ინფრასტრუქტურის მინისტრის მოადგილე კახა გულედანს და გუბერნატორ ლევან შონიას ელოდებიან.