(რეზონანსი) „ბიბისის" ცნობით, ლონდონში, პარლამენტის შენობასთან, პოლიციამ დანით შეიარაღებული მამაკაცი დააკავა. სამართალდამცველების ინფორმაციით, დაკავებული ტერაქტის ჩადენას არ გეგმავდა.

22 მარტიდან ლონდონში უსაფრთხოების ზომებია გამკაცრებული. იმ დღეს ტერორისტი, რომელიც ავტომობილით გადაადგილდებოდა, ტროტუარზე ავარდა და გამვლელებს დაეჯახა, შემდეგ კი დანით ერთ-ერთ პოლიციელს თავს დაესხა და მოკლა. ტერორისტი პოლიციამ ადგილზე მოკლა.