(რეზონანსი) ავსტრალიელი ფსიქოლოგების კვლევის მიხედვით, მსოფლიოში ყველაზე აუტანელი, საშინელი ფერი, მუქი ყავისფერია, რომელსაც მოწევის შემცირების მიზნით, თამბაქოს კოლოფებზე დაიტანენ. ეს ფერი გამოცემა „თაიმსის" ცნობით, ჰგავს მუქ ყავისფერს, მას სიკვდილის ფერს, ჭუჭყიანს და კუპრივით შავსაც ეძახიან.

ფერი ტონალობით „Pantone 448 C" ფსიქოლოგებმა სპეციალურად შეარჩიეს,რომ თამბაქოს მომხმარებლის გაღიზიანება გამოიწვიოს. 3 თვის განმავლობაში ფერების და განწყობების შესახებ კვლევა ავსტრალიის მთავრობის დაკვეთით ჩატარდა.

სპეციალურად შექმნილი ფერი სიგარეტის ყველა კოლოფზე იქნება, გამაფრთხილებელ წარწერებთან ერთად. ეს ინიციატივა უკვე გაიზიარა დიდი ბრიტანეთის, საფრანგეთის და ირლანდიის ხელისუფლებამ.