(რეზონანსი) საგანგებო სიტუაციების მართვის სააგენტოში წუხანდელი ძლიერი წვიმის გამო, თბილისიდან 25-მდე შეტყობინება დაფიქსირდა.

სააგენტოში განაცხადეს, რომ არ არიან დაშავებულები და ამ ეტაპზე ვითარება სტაბილურია.

„შეტყობინებები ძირითადად იყო დიდუბე-ჩუღურეთიდან, გლდანი-ნაძალადევიდან და ვაკე-საბურთალოდან. დაიტბორა ეზოები და საცხოვრებელი კორპუსების სადარბაზოები, არ არიან დაშავებულები. ამ ეტაპზე ვითარება სტაბილურია. ყველა შემოსულ შეტყობინებაზე ოპერატიული რეაგირება მოვახდინეთ. ჩვენი სამაშველო ჯგუფები დროულად გავიდნენ და განახორციელეს სამაშველო სამუშაოები. ამ ეტაპზე ვითარება კონტროლირებადია", - განმარტეს საგანგებო სიტუაციების მართვის სააგენტოში.