(რეზონანსი) რუსთავის რაიონულმა პროკურატურამ ცხოველის მიმართ სასტიკი მოპყრობის ფაქტზე ს.ზ.-ს საქართველოს სისხლის სამართლის კოდექსის 259-ე მუხლის პირველი ნაწილით ბრალდება წარუდგინა.

პროკურატურის ცნობით, 16 ივნისს რუსთავში, ს.ზ.-მ ძაღლს რამდენიმეჯერ დაარტყა ჯოხი, რომელზეც დამაგრებული იყო ლურსმანი. ს.ზ.-ს მიერ ცხოველის მიმართ სასტიკმა მოპყრობამ ძაღლის სიკვდილი გამოიწვია.

პროკურატურამ ს.ზ.-ს ბრალდების საქმეზე სასამართლოს უკვე მიმართა და აღკვეთის ღონისძიების სახით 5000 ლარის ოდენობით გირაოს შეფარდებას მოითხოვს.

საქმეზე გამოძიება საქართველოს სისხლის სამართლის კოდექსის 259-ე მუხლით გრძელდება.