(რეზონანსი) თურქული მედიის ინფორმაციით, სტამბოლში, მალტეპეს რაიონში აფეთქება მოხდა. ინციდენტის შედეგად დაშავებულებზე ინფორმაცია ჯერჯერობით არ ვრცელდება. ასევე უცნობია მომხდარის მიზეზები და დეტალები.

რამდენიმე დღის წინ, სტამბოლში აშშ-ის საკონსულო ქალაქში ტერაქტების საშიშროების შესახებ იუწყებოდა. საკონსულოს ცნობით, განსაკუთრებული ყურადღება ქალაქის საქმიან ნაწილშია მისაქცევი. დიპლომატები აშშ-ის იმ მოქალაქეებს, რომლებიც სტამბოლის ამ რაიონებში ცხოვრობენ, სიფრთხილეს ურჩევენ.

ჟურნალისტების ცნობით, სტამბოლის ცენტრალურ ნაწილში მაქსიმალურად გაძლიერებულია უსაფრთხოების ზომები.