(რეზონანსი) შსს-მ ვიდეოჯარიმებთან დაკავშირებული ინოვაციური მოდელი შეიმუშავა პროექტის „უსაფრთხო ქალაქი, უსაფრთხო რეგიონი, უსაფრთხო ქვეყანა"-ს ფარგლებში. შსს-ს მიერ მიერ გავრცელებული ინფორმაციით, ვიდეოჯარიმებთან დაკავშირებით წამახალისებელი მექანიზმი ინერგება.

ყველა დაჯარიმებულ მოქალაქეს ეძლევა ე.წ. საშეღავათო პერიოდი და თუ დაკისრებულ ჯარიმას შესაბამისი სმს-შეტყობინების მიღებიდან 10 დღის განმავლობაში გადაიხდის, ჯარიმის ოდენობა 20% შეუმცირდება.

შსს-ში აცხადებენ,რომ ამ მიდგომით გაიზრდება ბიუჯეტში დროულად გადახდილი ჯარიმების ოდენობა და დაიზოგება სახელმწიფო რესურსი. მათივე ცნობით, მსგავს მოდელს იყენებენ ევროპის ქვეყნებში, მათ შორის, იტალიაში, დიდ ბრიტანეთსა და საფრანგეთში.