(რეზონანსი) პაკისტანის ქალაქ ბაჰავალპურში ხანძრის შედეგად, 123 ადამიანი დაიღუპა. ხანძარი ნავთობით სავსე სატვირთო მანქანის ავარიამ გამოიწვია. „BBC"-ის ინფორმაციით, დიდი სიჩქარით მოძრავი ნავთობმზიდი ამოტრიალდა.

ათობით ადამიანი მაშინ დაიწვა, როდესაც ისინი გადმოღვრილი ნავთობის შეგროვებას ცდილობდნენ, ნაწილი კი მძიმე დამწვრობით საავადმყოფოში გადაიყვანეს. ექიმების განცხადებით, რამდენიმე მათგანის ჯანმრთელობის მდგომარეობა კრიტიკულია.

თვითმხილველების თქმით, შემთხვევის ადგილზე ეწეოდნენ, რამაც ნავთობზიდის აალება გამოიწვია. ადგილობრივი მედიის ცნობით, არსებობს საშიშროება, რომ დაღუპულთა რიცხვი გაიზრდება.