(რეზონანსი) ესპანეთის სამხრეთით, ტყის მასივში გაჩენილი ხანძრის გამო, მოსახლეობის ევაკუაცია მიმდინარეობს. ამ დროისთვის ტერიტორიიდან 2100-ზე მეტი ადამიანია გაყვანილი. ინფორმაციას „Daily Star"-ი ავრცელებს.

ცეცხლი ანდალუსიას სანაპიროზე მდებარე ტყეში სავარაუდოდ,გვიან ღამით გაჩნდა.ხანძრის ჩაქრობას 20 ვერტმფრენი და ათობით სახანძრო მანქანა ცდილობს.

რამდენიმე დღის წინ ძლიერი ხანძარი იყო პორტუგალიის ტყეში, პედროგან-გრანდის მუნიციპალიტეტშიც, სადაც ხანძრის შედეგად 64-მდე ადამიანი დაიღუპა, 130-მდე კი დაშავდა. 27 სოფლიდან 45 ათასი ადამიანის ევაკუაცია მოხდა.